Të hënën, më 22 shtator, vëmendja e gjithë botës së futbollit do të përqendrohet në Paris, ku do të zhvillohet ceremonia prestigjioze e Topit të Artë 2025, edicioni i 69-të i çmimit më të lartë individual në këtë sport.
Ngjarja do të mbahet në Teatrin ‘Chatelet’, një vend që tashmë është shndërruar në simbolin e shkëlqimit futbollistik dhe pritjes së yjeve më të mëdhenj të këtij sporti.
Ceremonia do të nisë në orën 15:00, dhe do të transmetohet në mbarë botën, me miliona tifozë që do të ndjekin me emocion shpalljen e futbollistit më të mirë në botë.
Pretendentët kryesorë për “Ballon d’Or 2025” , sipas mediave ndërkombëtare si L’Equipe, ESPN dhe The Athletic, këtë vit janë:
Kylian Mbappe (PSG/Real Madrid) – një sezon i madh me gola dhe trofe; mbetet ndër pretendentët më seriozë.
Vinicius Junior (Real Madrid) – vendimtar në Champions League dhe në La Liga, shpesh cilësohet si lojtari më i rrezikshëm i madrilenëve.
Jude Bellingham (Real Madrid) – mesfushori anglez ka qenë lojtari kyç i Realit, duke shënuar dhe asistuar në ndeshjet më të rëndësishme.
Ousmane Dembélé (PSG) – një nga surprizat e këtij sezoni, i cilësuar nga mediat franceze si lider i vërtetë i Parisit.
Lamine Yamal (Barcelona) – megjithëse vetëm 17 vjeç, paraqitjet e tij mbresëlënëse me Barçën dhe Spanjën e kanë futur mes kandidatëve seriozë për të ardhmen.
Ceremonia e nesërme do të mbledhë emrat më të mëdhenj të futbollit botëror. Fituesi i “Topit të Artë 2025” do të shpallet pas një sezoni të mbushur me emocione, ku konkurrenca mes yjeve të Real Madridit dhe atyre të PSG-së shihet si më e forta e viteve të fundit. /IndeksOnline/
