Tyler Robinson është vrasësi i dyshuar i Charlie Kirk. Të martën, Tyler Robinson u paraqit në gjykatë për herë të parë. Prokurori i Qarkut të Utahut lexoi akuzat dhe diskutoi provat. Ai shpjegoi gjithashtu se si prindërit e Tylerit erdhën për ta denoncuar djalin e tyre në polici.
Kur nëna e Tylerit pa pamjet e të dyshuarit që po ikte në televizion, mendoi se ai i ngjante të birit. Kështu që e telefonoi dhe e pyeti se ku ishte.
“Në shtëpi”, thuhet se u përgjigj ai.
Nëna nuk u bind dhe telefonoi babanë e Tylerit. Babai i Tylerit i tha policisë se edhe ai mendonte se i dyshuari i ngjante të birit.
Për më tepër, arma e vrasjes e përshkruar në media i kujtoi atij një pushkë që Tyleri e kishte marrë dikur si dhuratë.
Më vonë, babai i Tylerit telefonoi. Gjatë bisedës, Tyleri “la të kuptohej”, sipas fjalëve të prokurorit, se donte t’i jepte fund jetës së tij.
Prindërit e bindën të takohej me ta dhe të bisedonte. Gjatë kësaj bisede, ai “la të kuptohej” se e kishte kryer vrasjen.
Prindërit më pas e bindën të fliste me një mik të familjes, një sherif në pension. Me sa duket, ai arriti ta bindte Tylerin të dorëzohej vetë./Indeksonline/
