Futbollisti i skuadrës së Rilindja 1974, Arbër Shala ditën e djeshme është përfshirë në një incident, ku dyshohet se ka plagosur një person në rrugën ‘’Papa Klementi’’ në Pejë.
Ai disa orë më pas është paraqitur në stacionin policor në Pejë, ku me vendim të Prokurorit është dërguar në mbajtje.
Ky incident ndodhi një ditë para ndeshjes së KF Rilindja 1974 ndaj Feronikelit ’74.
IndeksOnline ka kontaktuar me trajnerin e KF Rilindjes, Faruk Statovcin i cili ka thënë se mungesa e Arbërit do të vërehet në ndeshjen e sotme.
‘’Normal që secili lojtar për ne është i vlefshëm dhe ka me na mungua sepse Arbëri ka qenë startues e disa here edhe rezervë pasi kemi llogarit në të’’, ka thënë Statovci.
Ai po ashtu ka komentuar edhe për rastin në fjalë, duke thënë se nuk ka informacione se si ka ndodhur ngjarja.
‘’Çka ka ndodhur e si ka ndodhur rasti nuk kam informata pasi ka ndodhur vonë dhe unë nuk isha atje.’’, ka deklaruar Statovci për IndeksOnline.
