Grupmoshat U-21 të Kosovës dhe Spanjës do të zhvillojnë sonte ndeshjen kualifikuese, të vlefshme për Kampionatin Evropian të vitit 2027.
Ndeshja do të zhvillohet në stadiumin “Fadil Vokrri”, në Prishtinë, ku djemtë tanë do të synojnë të bëjnë befasinë e madhe dhe të marrin fitoren e parë në këto kualifikuese.
Mirëpo nga ana spanjolle, nuk po mund të ikin pa bërë politikë duke ju referuar Kosovës në faqen e tyre me mbishkrimin, “Territori i Kosovës”.
Kjo pasi që Spanja është një nga shtetet që nuk njeh pavarësinë e shtetit tonë.
Telashe të këtij lloji kishim pasur edhe në ndeshjen kualifikuese për Botërorin 2022, në Sevilja ku referoheshim me fusnotë si dhe në konferencën për shtyp, ku një gazetar spanjoll refuzoi edhe të përmendte emrin Kosovë.
Kujtojmë se ndeshja Kosova U21, do ta pres Spanjën në stadiumin “Fadil Vokrri”, në Prishtinë me ndeshjen që zhvillohet në orën 19:00./IndeksOnline/
