Ish-futbollisti i njohur në futbollin suedez, poashtu edhe në Superligë, Ilir Berisha gjatë një interviste për Indeksonline – ka folur rreh Kombëtares së Kosovës dhe ndeshjes kundër Suedisë.
Berisha paralajmëron ekipin e Franco Fodas, se ndaj Suedisë është më mirë të luajmë në vijen e fundit të mbrojtjes.
“Çdo ndeshje është e vështirë edhe kjo ndaj Suedisë do jetë ashtu. Janë ekip fizik, të cilët luajnë shumë mirë së bashku. Kanë lojtarë cilësorë, por jo të pathyeshëm. Me shpejtësi në mesfush dhe kreativitet mund t’i dëmtojmë.
“Siç thashë, janë të mirë në duele dhe nuk duhet t’i japim mundësi për të bërë lojë të shpejt. Dhe me një lëvizje mbrapa vijës së mbrojtjes, besoj se mund t’i rrezikojmë”, u shpreh Berisha për Indeksonline
Ish-mbrojtësi i Kombëtares së Kosovës flet edhe për ardhjen më të re te Kosova, mesfushorin, Leon Avdullahun:
“Duhet t’i japim më shumë kohë Leonit të përshtatet me ambientin dhe është vështirë të vlerësohet me një ndeshje. Por, ka cilësi. Mungesa e Zhegrovës dhe Rashicës? Kemi fond të lojtarëve dhe duhet t’i jepet rasti”, vazhdoi tutje ish-lojtari kosovar
Vedat Muriqi ndaj Zvcirës dështoi, dhe në pyetjen se kë e preferon nesër në sulm, Ilir Berisha u përgjigj:
“Kisha pas dëshirë që me pa Fisnik Asllnin dhe Vedat Muriqin, të dy në sulm”.
Kujtojmë që ndeshja mes Kosovës dhe Suedisë zhvillohet nesër (e hënë) nga ora 20:45 në stadiumin “Fadil Vokrri”. Berisha thotë se nuk do të jetë i pranishëm, por kur luajnë në Suedi – do jetë atje./Indeksonline/
