Selena Gomez kaloi një fundjavë plot gëzim duke festuar ditët e fundit të beqarisë.
Themeluesja e Rare Beauty, 33 vjeç, ndau foto dhe video nga festa e saj e beqarisë në Cabo San Lucas, Meksikë, përpara dasmës me të fejuarin Benny Blanco.
Gomez festoi me një grup shoqesh të ngushta, mes tyre Racquelle Stevens, Ashley Cook dhe Courtney Lopez, duke shijuar diellin mbi një jaht.
Fotot e ëmbla e treguan këngëtaren me një fustan të bardhë perlash, të hapur pas shpine, shoqëruar me një vello të bardhë ku shkruhej “bride to be”. Në një foto tjetër, ajo shfaqej me bikini të bardha.
Ndërkohë që Gomez festonte në Meksikë, Blanco e kaloi fundjavën në Chairman Villa në Resorts World Las Vegas, një suitë luksoze që kushton 25 mijë dollarë nata.
Çifti ndodhet në përgatitjet e fundit për dasmën e tyre. Ata u fejuan në dhjetor 2024 pas një viti e gjysmë lidhjeje.
