Juristja e medias, Flutura Kusari, ka reaguar pas publikimit të një letre nga menaxhmenti i RTK-së, duke theksuar se dokumenti konfirmon ndikimin e drejtpërdrejtë politik të Lëvizjes Vetëvendosje mbi televizionin publik.
“Letra e komunikuar publikisht nga menaxhmenti i RTK-së konfirmon atë që unë personalisht dhe të tjerët e kemi dokumentuar tashmë dhjetëra herë: ndikimin e frikshëm politik të VV-së në RTK”, ka shkruar Kusari.
Ajo ka theksuar se përpjekjet e VV-së për të ushtruar kontroll absolut mbi RTK-në nuk do të ndalen, por ka paralajmëruar se edhe mediat e pavarura dhe aktivistët do të vazhdojnë të ngrisin zërin në mbrojtje të televizionit publik.
“VV-ja nuk do të tërhiqet nga përpjekja për kontroll absolut të RTK-së, ashtu siç ne aktivistët dhe mediat asnjëherë nuk do të ngurrojmë të ngrisim zërin në mbrojtje të RTK-së. Edhe kur për këtë paguajmë çmim të lartë”, ka shkruar Kusari.
