Një i mitur në Malishevë është intervistuar nga autoritetet, pasi kishte publikuar një fotografi në rrjete sociale, në të cilën shihej duke mbajtur një pistoletë.
Siç ka bërë të ditur Policia e Kosovës, pas intervistimit është kuptuar se arma i takonte një familjari të të miturit, që më pas e ka pranuar dhe e ka dorëzuar armën vullnetarisht në Polici.
Ndërkaq në një rast tjetër, në fshatin Lladroc, pas të shtënave me armë zjarri, Policia në lokacion ka gjetur 17 gëzhoja dhe 20 fishekë. Pas kontrollit të shtëpive dhe intervistimit të të dyshuarve, ata kanë pranuar posedimin e armëve dhe e kanë dorëzuar një revole dhe një pushkë gjuetie me leje të skaduar.
Në koordinim me prokurorin, të dyja rastet janë inicuar rastet “Mbajtja në pronësi, kontroll ose posedim të paautorizuar të armëve” dhe “Përdorimi i armës apo mjetit të rrezikshëm”
