Twitter është duke u përgatitur për të pushuar 300 të punësuar gjatë kësaj jave, raporton TechSot.Al. Kjo do të thotë se fuqia punëtore e kompanisë do të ulet me rreth 8 për qind. Megjithatë, sipas burimeve anonime të Bloomberg, numri i të punësuarve të shkurtuar mund të ndryshojë planet e Twitter-it për ristrukturim. Mësohet se ekipi i shitjeve të firmës mund të ndikohet më së shumti.
Lajmi vjen përpara publikimit të të ardhurave të kompanisë për 3-mujorin e vitit 2016 në 27 Tetor, raporton TechSot.Al
Ndërkohë, Twitter nuk ka pasur një vit të mirë. Kur Jack Dorsey u emërua CEO tetorin e kaluar, ai pushoi nga puna rreth 8 për qind të stafit të kompanisë. Që atëherë, aksionet e Twitter kanë rënë me rreth 40 për qind dhe rritja e saj është ngadalësuar në mënyrë të konsiderueshme. Tani është me më pak vlerë se kloni i saj kinez, Weibo.
