Drithërat, kosi dhe pijet në Zvicër do të përmbajnë më pak sheqer deri në vitin 2028. Qeveria zvicerane dhe 21 kompani rinovuan të ashtuquajturën Deklaratë të Milanos në Bernë.
Objektiva të rinj janë vendosur në kuadër të iniciativës. Sasia e sheqerit të shtuar në serume, drithëra mëngjesi dhe pije me bazë qumështi do të duhet të ulet me 10%, shkruan swissinfo. E njëjta gjë vlen edhe për pijet e gazuara. Standardi është vendosur në 5% për kosin.
Angazhimi për uljen e sheqerit në ushqime u iniciua dhjetë vjet më parë. Në një njoftim për shtyp të enjten, ministria e brendshme tha se ishte e kënaqur me progresin, transmeton albinfo.ch.
Kosi, serumet, pijet me qumësht, drithërat e mëngjesit dhe pijet e gazuara tani përmbajnë dukshëm më pak sheqer sesa dhjetë vjet më parë.
Ministria gjithashtu dëshiron të arrijë një marrëveshje me industrinë ushqimore për të ulur përmbajtjen e kripës në ushqimet e përpunuara. Aktualisht, vetëm Aldi Zvicër është e përgatitur të mbështesë këtë qasje.
