Sot në Kosovë parashihet mot kryesisht me diell dhe vranësira të shpërndara gjatë pjesës së parë të ditës.
Megjithatë, në orët e pasdites pritet që vranësirat të dendësohen, duke krijuar kushte për reshje lokale shiu, të cilat në disa zona mund të shoqërohen edhe me shkarkime rrufesh, transmeton lajmi.net
Temperaturat minimale do të lëvizin ndërmjet 13 dhe 17°C, ndërsa ato maksimale pritet të arrijnë nga 29 deri në 33°C.
Era do të fryjë e lehtë, por në disa zona mund të jetë lokalisht e fortë, kryesisht nga drejtimi veriperëndimor.
Institucionet përkatëse rekomandojnë kujdes të shtuar në orët me rrezik për reshje dhe shkarkime elektrike, sidomos për qytetarët që planifikojnë aktivitete në natyrë./lajmi.net/
- Advertisement -
