Deputetja e Lidhjes Demokratike të Kosovës (LDK), Hykmete Bajrami, ka reaguar ashpër ndaj partisë në pushtet, Lëvizjes Vetëvendosje, duke e akuzuar atë për keqqeverisje të thellë dhe përpjekje për ta kamufluar dështimin me retorikë nacionaliste.
Në një postim në rrjetet sociale, Bajrami renditi një sërë akuzash ndaj VV-së, duke përfshirë “hajnitë, dështimet, tenderët njëburimorë, nepotizmin, kapjen e institucioneve dhe lidhjet me mafinë energjetike”, për të cilat tha se nuk mund të fshihen pas “patriotizmit të rremë, Serbisë apo Listës Serbe”, transmeton lajmi.net
“Ju jeni të njëjtit që Radojçiqit i keni krijuar korridor dhe ka ikur në pikë të ditës, nën vëzhgimin e kamerave. Nuk e keni shpallur Listën Serbe organizatë terroriste as pasi morën përgjegjësinë për sulmin në Banjskë,” shkroi ajo, duke e quajtur sjelljen e VV-së një akt të pastër hipokrizie.
Reagimi i saj vjen në një moment kur në vend po zhvillohet debat i ashpër rreth refuzimit të certifikimit të Listës Serbe nga KQZ, dhe qëndrimeve politike të partive përballë këtij vendimi.
Postimi i plotë:
