Aktorja Sharon Stone ka folur për traumat familjare, duke zbuluar se ajo, motra e saj dhe nëna e ndjerë ishin viktima të abuzimit nga gjyshi i saj.
Në një intervistë me “The Guardian” për filmin Nobody 2, Stone e përshkroi gjyshin e saj nga nëna si një burrë të dhunshëm, transmeton Indeksonline.
Ajo tha se ai e rrihte nënën e saj që në moshë të vogël dhe se ajo u detyrua të largohej nga shtëpia kur ishte vetëm nëntë vjeç.
“Nuk kishte asnjë ditë në jetën e nënës sime që ajo nuk u rrah”, tha aktorja. Ajo shtoi se ajo dhe motra e saj ishin gjithashtu të abuzuara nga gjyshi i tyre kur ishin fëmijë.
“Kjo ndodhi kur isha pesë ose gjashtë vjeç, përpara se ai të fillonte të abuzonte seksualisht me mua. Isha një fëmijë shumë i shkathët. Ia dilja mbanë me shumë më pak abuzim sesa të tjerët”, tha aktorja./Indeksonline/
