Alternativa për Kosovën, partia e Mimoza Kusari-Lilës do të garojë me dy kandidatë për kryetarë dhe me gjashtë lista për asamble në komunat e Kosovës në zgjedhjet e 12 tetorit.
Në Prishtinë, Alternativa garon me Merkur Beqirin, ndërsa në Pejë garon Reshat Nurboja.
“Me shumë besim e shpresë po hyjmë në garën zgjedhore për të sjellë ndryshim dhe frymë të re në komunat tona. Alternativa garon në 6 komuna me lista për asamble dhe në 2 prej tyre me kandidatë për kryetar.
Në Prishtinë na përfaqëson Merkur Beqiri, kandidati ynë për kryeqytetin.
Në Pejë na udhëheq Reshat Nurboja, ndërsa në katër komuna të tjera kemi ekipe të përkushtuara me lista për asambletë komunale.
Nga 111 kandidatë, kemi 57 gra dhe 54 burra – dhe në dy komuna, listat udhëhiqen nga gratë. Tek Alternativa, barazia nuk është synim, por realitet.
Ne besojmë në forcën e qytetarëve, në ide të reja dhe në një të ardhme më të mirë për të gjithë” shkruan Kusari-Lila në njoftim./Indeksonline/
