Manchester City mund të hyjë në merkato për një tjetër yll brazilian.
Sipas gazetarit të njohur Fabrizio Romano, kampionët e Premier League po e konsiderojnë sulmuesin e Real Madridit, Rodrygo, si objektivin kryesor në rast se Savinho përfundon duke u transferuar te Tottenham Hotspur.
“Manchester City vazhdon të mendojë për Rodrygon si synimin kryesor, nëse Savinho largohet dhe i bashkohet Tottenhamit”, ka shkruar Romano në rrjetin social X.
Ai gjithashtu theksoi se një lëvizje e tillë do të ndodhë vetëm nëse Savio largohet nga Etihad Stadium.
“Ashtu siç është raportuar ditë më parë, #MCFC duan të provojnë për yllin brazilian… por vetëm nëse Sávio largohet. Nuk ka interes për Akliouche dhe as për Xavi Simons për momentin. Rodrygo është emri që përmendet brenda klubit”, shtoi Romano.
🚨🔵 Manchester City keep thinking of Rodrygo as main target if Savinho ends up leaving and joining Tottenham.
As revealed days ago, #MCFC want to try for Brazilian star… but only if Sávio leaves.
No Akliouche, no Xavi Simons as of now. Rodrygo, the name mentioned internally. pic.twitter.com/wKIAjf8cRn
— Fabrizio Romano (@FabrizioRomano) August 17, 2025
Rodrygo, i cili është pjesë e Real Madridit që nga viti 2019, ka fituar disa trofe madhorë me Los Blancos, përfshirë edhe Ligën e Kampionëve. Megjithatë, ardhja e Kylian Mbappé dhe konkurrenca e madhe në repartin ofensiv kanë ngritur pikëpyetje për rolin e tij në sezonet e ardhshme.
Në anën tjetër, Tottenham duket gjithnjë e më pranë finalizimit të marrëveshjes për Savinhon, duke e detyruar Cityn të përgatitet për një skenar alternativ. /GazeteaExpress/
