Një vajzë e mitur me të meta mendore, është rrëmbyer mbrëmjen e të premtës në Shtapej të Deçanit.
Rastin në polici e kanë lajmëruar dy persona ”ankuesi dhe dëshmitari”, të cilët i janë vënë pas veturës dhe kanë arritur ta ndalin dhe të marrin viktimën të cilën e kanë dërguar në shtëpi, shkruan IndeksOnline.
Ndërsa i dyshuari është arratisur në drejtim të pa njohur, Policia ka gjetur dhe sekuestruar veturën e braktisur rreth 3 km nga vendi i ngjarjes.
Viktima është dërguar për tretman mjekësor, e njëjta nuk ka pasur lëndime fizike sipas raportit të mjekut, por vetëm shqetësim.
‘‘RRËMBIM Rr. Arben Hajdaraj –Shaptej, Deçan 15.08.2025-23:30. Pas marrjes se një informate për rrëmbim, njësitet policore kanë dalë në vendin e ngjarjes ku kanë intervistuar ankuesin dhe dëshmitarin, të cilët kanë njoftuar se një i dyshuar i pa njohur ka rrëmbyer me veturë të miturën me të meta mendore, e cila ishte në rrugë pranë shtëpisë së saj. Ankuesi se bashku me dëshmitarin i janë vënë pas veturës dhe kanë arritur ta ndalin dhe të marrin viktimën të cilën e kanë dërguar në shtëpi. I dyshuari është arratisur në drejtim të pa njohur. Njësitet policore kanë gjetur dhe sekuestruar veturën e braktisur rreth 3 km nga vendi i ngjarjes. Viktima është dërguar për tretman mjekësor, e njëjta nuk ka pasur lëndime fizike sipas raportit të mjekut, por vetëm shqetësim. Rasti duke u hetuar.” thuhet në raportin 24-orësh të policisë. /IndeksOnline/
