Pas një sezoni zhgënjyes 2024/25 që përfundoi me një luftë të suksesshme për mbijetesë, Wolves do të shpresojnë të tregojnë menjëherë shenja pozitive kur të presin dhjetë herë kampionët e ligës, Manchester City.
Wolves nuk arritën të fitonin asnjë miqësore gjatë verës nën drejtimin e Vítor Pereira-s, në përgatitjet e tij të para me ekipin – gjë që nuk i ka entuziazmuar tifozët, të cilët presin më në fund thyerjen e “mallkimit të gushtit”.
Që nga rikthimi në Premier League në vitin 2018, Wolves kanë fituar vetëm një nga 20 ndeshjet e luajtura në gusht (9 barazime, 10 humbje).
Një tjetër fillim i dobët do të shtonte presionin mbi Pereira-n, sidomos pasi bordi ende nuk i ka ofruar një kontratë afatgjatë pavarësisht normës së tij të fitores prej gati 50% në të gjitha garat sezonin e kaluar (12 fitore, 3 barazime, 10 humbje).
Manchester City bleu mbrojtësin e majtë të Wolves, Rayan Aït-Nouri, për 36 milionë €, si pjesë e misionit për ta rimarrë fronin e Premier League pas një sezoni të rrallë pa trofe, ku përfunduan të tretët dhe humbën finalen e FA Cup kundër Crystal Palace.
“Qytetarët” patën një sezon të ngarkuar edhe jashtë fushës, duke u përballur me akuzat për shkelje të rregullave të FFP dhe duke pësuar turpërimin e eliminimit nga Al-Hilal në 1/8 e Kupës së Botës për Klube në formatin e ri, në qershor.
Bilanci i tyre si mysafir në ligë vitin e kaluar ishte vetëm tetë fitore (5 barazime, 6 humbje), por me shtatë prej tyre të ardhura kundër skuadrave të pjesës së poshtme të tabelës, ata duhet të jenë të bindur për tri pikët gjatë ndeshjes së sotme.
Historia kokë më kokë
Pereira ishte në stol kur Wolves humbën 1-0 në transfertë ndaj City në maj, ndeshje që është pjesë e një serie thuajse perfekte të Manchester City me nëntë fitore dhe vetëm një humbje kundër Wolves në pesë sezonet e fundit të Premier League. Përjashtimi i vetëm ndodhi në Molineux në shtator 2023, me Wolves që fituan 2-1.
Statistika
Wolves humbën tetë nga 11 ndeshjet e Premier League në shtëpi si “outsiders” sezonin e kaluar (2 fitore, 1 barazim).
Dy të tretat e ndeshjeve të Wolves në Premier League sezonin e kaluar prodhuan mbi 2.5 gola në total, duke u renditur të dytët pas Brighton (71%).
Gjashtë nga tetë fitoret jashtë fushe të City sezonin e kaluar erdhën me diferencë prej 2+ golash.
Manchester City pësoi golin e parë në vetëm shtatë ndeshje jashtë fushe sezonin e kaluar në Premier League, por humbi pesë prej tyre (1 fitore, 1 barazim).
Lojtarët kyç dhe mungesat
Wolves: Jørgen Strand Larsen ishte vendimtar për mbijetesën në elitë, duke shënuar në pesë nga gjashtë fitoret radhazi në mars-prill.
Manchester City: Transferimi i ri, Tijjani Reijnders, fitoi dhjetë nga 13 ndeshjet zyrtare (2 barazime, 1 humbje) në të cilat shënoi me Milanin sezonin e kaluar.
Wolves nuk kanë dëmtime të rëndësishme. Për City, katërshja Rodri, Phil Foden, Joško Gvardiol dhe Mateo Kovačić munguan në miqësoren e fundit për shkak dëmtimesh. /GazetaExpress/
Formacionet zyrtare:
Our first line-up of the new @premierleague season.
— Wolves (@Wolves) August 16, 2025
Wolves
Your first City XI of the @premierleague season! 🩵
XI | Trafford, Lewis, Stones, Dias, Ait-Nouri, Nico, Bernardo (C), Bobb, Reijnders, Doku, Haaland
SUBS | Ortega Moreno, Ake, Marmoush, Cherki, Gundogan, Akanji, Nunes, O'Reilly, Khusanov
🤝 @etihad pic.twitter.com/41S3onk7QM
— Manchester City (@ManCity) August 16, 2025
Manchester City
Ndeshja fillon në ora 18:30 në stadiumin Molineux Stadium të Wolverhampton
