Në një vizitë të mbushur me emocione dhe krenari kombëtare, Fadil Nura ka takuar në Hagë të paraburgosurit e Ushtrisë Çlirimtare të Kosovës.
Ai ka përshkruar momentet e takimit si të paharrueshme, duke theksuar se në sytë e tyre pa stuhinë e një populli që kurrë nuk ka njohur dorëzim, dinjitetin e luftëtarit që nuk përkulet dhe besimin e palëkundur në të vërtetën.
“Edhe pse brenda mureve të ftohta të kësaj hapsaneje, zemrat e tyre janë të ngrohta e të pathyeshme. Ju përcjellin përshëndetjet më të sinqerta e vëllazërore,” tha Nura, duke shtuar se qëndresa e tyre është frymëzim për çdo shqiptar.
Vizita e tij shërben si një kujtesë se rruga drejt drejtësisë dhe lirisë kërkon durim, forcë dhe besim në kauzën e drejtë.
- Advertisement -
