Anëtari i Kryesisë së LDK-së, Muhamet Muhati, ka komentuar thirrjet e aleatëve të Kosovës për respektim të aktgjykimit të Gjykatës Kushtetuese.
Ai ka bërë me dije se këto thirrje po i bëhen VV-së, meqenëse partitë tjera gjithnjë i kanë respektuar aktgjykimet e Kushtetueses.
Në profilin e tij në “Facebook”, ai ka shkruar se Qeveria e VV-së ka bërë shkelje seriale të Kushtetutës në këto 4-5 vjet.
“BE-ja, ambasadat e shteteve kryesore perëndimore, SHBA, Britani e Madhe, Gjermani etj, kanë bërë thirrje për respektim të aktgjykimit të Gjykatës Kushtetuese. Thirrjet po i bëhen Vetëvendosjes së Albin Kurtit, sepse partitë e tjera i kanë respektuar gjithëherë vendimet e Gjykatës Kushtetuese. Qeveria e Vetëvendosjes ka bërë shkelje seriale të Kushtetutës në këto 4-5 vjet. Në kundërshtim me Kushtetutën po qëndron në krye të Qeverisë deputeti Albin Kurti, i cili ka votuar në dhjetëra seanca të dështuara për konstituim të Kuvendit të Kosovës prej prillit deri në korrik”, ka shkruar ai.
