Kryetari i Komunës së Gjilanit, Alban Hyseni është shprehur i tronditur për vrasjen që ka ndodhur sot në këtë qytet, ku tre persona kanë humbur jetën dhe një tjetër është plagosur.
Ai në emër të Komunës së Gjilanit ka shprehur ngushëllimet më të sinqerta për familjet e viktimave derisa ka uruar shërim të shpejtë të plagosurit.
“Ky akt i dhunshëm dhe i papranueshëm është një plagë e rëndë për komunitetin tonë. Ju siguroj se do të bashkëpunojmë ngushtë me organet e rendit dhe drejtësisë, që autori i këtij krimi të sillet para drejtësisë sa më shpejt. Gjilani është qytet i paqes dhe bashkëjetesës, dhe ne nuk do të lejojmë që dhuna të marrë vend në jetën tonë të përditshme. Sot, më shumë se kurrë, kemi nevojë të qëndrojmë të bashkuar si komunitet”, ka shkruar Hyseni në Facebook. /Lajmi.net/
Postimi i tij i plotë në Facebook:
- Advertisement -
