Gjykata e Apelit ka lënë në fuqi masën “arrest në burg” për administratorin e “Bankers”, Hong Ping Xiao, dhe ish-drejtorin Leonidha Çobo.
Një nga të dyshuarat është liruar në “detyrim paraqitje” për shkak të përkujdesjes ndaj fëmijës, ndërsa për tre persona u hoq masa e ndalimit të daljes jashtë vendit.
Katër zyrtarë kinezë janë shpallur në kërkim.
Prokuroria e Fierit i akuzon për fshehje të të ardhurave, pastrim parash, shpërdorim detyre dhe mosveprim të organeve tatimore. Sipas saj, kompania ka deklaruar humbje fiktive prej 11.6 miliardë lekësh, duke shmangur pagesat e tatimeve për më shumë se 500 miliardë lekë të ardhura nga nafta në 20 vite.
- Advertisement -
