Deputetja e PDK-së, Ganimete Musliu, ka paralajmëruar pjesëmarrjen në protestën e nesërme kundër, siç e quan ajo, devijimit të misionit të Gjykatës Speciale. Në një postim në Facebook, Musliu tha se protesta nuk ka për qëllim sulmin ndaj drejtësisë, por mbrojtjen e të vërtetës.
Sipas saj, Gjykata Speciale ka shkelur mandatin e saj duke ndjekur luftëtarët e UÇK-së, ndërkohë që “kriminelët e vërtetë ecin të lirë”.
Musliu theksoi se “kur drejtësia bëhet selektive, është detyrë e popullit të flasë”.
Postimi i plotë:
KUR HESHT BOTA, FLASIM NE.
Nesër nuk protestojmë për të sulmuar drejtësinë, protestojmë për të mbrojtur të vërtetën.
Gjykata Speciale ka devijuar nga misioni i saj.
Ajo po ndjek çlirimtarët, ndërsa kriminelët e vërtetë ecin të lirë.
Ne nuk heshtim.
Kur drejtësia bëhet selektive, është detyrë e popullit të flasë.
Për UÇK-në. Për dëshmorët. Për viktimat e luftës. Për çlirimtarët. Për të ardhmen tonë.
Nesër 7 Gusht
Ora 17:00
Në Sheshin Skënderbeu
Zëri ynë është më i fuqishëm se heshtja e botës.
