Donald Trump ka kërcënuar të rrisë “ndjeshëm” tarifat kundër Indisë për shkak të blerjes së naftës nga Rusia, ka raportuar BBC, transmeton Gaszeta Express.
“Atyre [India] nuk u intereson se sa njerëz në Ukrainë po vriten nga Makineria Ruse e Luftës”, shkroi presidenti amerikan në platformën e tij online, Truth Social, të hënën.
India është aktualisht ndër blerësit më të mëdhenj të naftës ruse. Ajo është bërë një treg i rëndësishëm eksporti për Moskën pasi disa vende evropiane ndërprenë tregtinë kur Rusia nisi pushtimin e saj të plotë të Ukrainës në vitin 2022.
Trump nuk specifikoi se cila do të ishte tarifa e re, por ajo vjen vetëm disa ditë pasi ai zbuloi një taksë të madhe prej 25% ndaj Indisë.
Delhi e quajti paralajmërimin e Trump “të pajustifikuar dhe të paarsyeshëm”.
