Pak orë para ndeshjes mes FC Dritës dhe ekipit danez, Kopenhages ka ndodhur një përleshje mes tifozëve të tyre.
Këto dy tifozeri janë rrahur mes vete.
Lajmin e ka konfirmuar dhe ka dhënë detaje, zëdhënësi i Policisë në Prishtinë, Enis Pllana i cili ka thënë se tre persona janë lënduar dhe tre të tjerë janë arrestuar.
“Sot rreth orës 19:00 ka ndodhë një incident, ku disa tifozë janë përleshur mes vete. Si pasojë, tre persona kanë pësuar lëndime, të cilët edhe kanë pranuar tretman mjekësor. Policia ka vënë situatën nën kontrollë, ku ka arrestuar tre persona dhe disa të tjerë i ka shoqëruar për në stacion policor”, ka thënë Pllana për lajmi.net. /Lajmi.net/
- Advertisement -
