Rama: Lavazhet në trotuare do të ndalohen, kush i ka t’i heqë vetë

Kryeministri Edi Rama ka reaguar në Facebook për situatën e lavazheve të makinave që operojnë nëpër trotuare, duke deklaruar se këto aktivitete do të ndalohen.

Ai theksoi se askush nuk do të lejohet të zhvillojë aktivitete të tilla në hapësirat publike, përveçse në ambiente të përcaktuara për këtë qëllim. Rama shtoi se çdo qytetar që ka një lavazh në trotuar duhet ta heqë vetë, për të shmangur gjobën e krimit mjedisor, që është e parashikuar për këto shkelje.

”Asnjë lavazh nuk do të qëndrojë mes lagjeve për të larë makinat nëpër trotuare, prandaj kush i ka t’i heqë vetë që të mos paguajë edhe gjobën e krimit mjedisor”.