Eugen Cakolli nga KDI ka reaguar pas përpjekjes së 54-të për konstituimin e Kuvendit.
Cakolli e ka vlerësuar si një përfundim i turpshëm i një krize që u zvarrit me vetëdije.
Barra kryesore e përgjegjësisë politike së gjithë këtij dështimi, sipas tij, bie qartazi mbi subjektin politik që ka dalë i pari në zgjedhje dhe që kishte të drejtën për të propozuar kandidatin për kryetar Kuvend.
“Tashmë jemi në një situatë të paprecedentë, me një Kuvend jofunksional e jolegjitim dhe me një qeveri në detyrë, të zgjedhur nga legjislatura e parafundit – anëtarët e së cilës nuk kanë as autoritet ligjor për vendimmarrje. Qytetarët nuk e kanë merituar një shtet në pauzë për shkak të llogarive të ngushta partiake”, ka shkruar ai në Facebook.
- Advertisement -
