BBC News dhe tre agjenci kryesore lajmesh kanë shprehur shqetësim të madh për gazetarët në Gaza, të cilët thonë se janë gjithnjë e më të paaftë të ushqejnë veten dhe familjet e tyre.
Ata që raportojnë konfliktin nga Gaza tani përballen me uri dhe “të njëjtat rrethana të tmerrshme si ato që po mbulojnë”, thuhet në një deklaratë të përbashkët nga BBC News, Agence France-Presse (AFP), Associated Press (AP) dhe Reuters, transmeton Gazeta Express.
“Për shumë muaj, këta gazetarë të pavarur kanë qenë sytë dhe veshët e botës në terren në Gaza”, thuhet në të.
Mediat ndërkombëtare të lajmeve mbështeten te gazetarët vendas brenda Gazës, pasi Izraeli nuk lejon mediat e huaja, përfshirë BBC News, të dërgojnë gazetarë në territor.
- Advertisement -
