Një përleshje fizike mes tre personave është raportuar pasditen e së mërkurës në “Rrethin e Flamurit” në Prishtinë, rreth orës 17:46. Të përfshirë në incident janë një shtetas kosovar dhe dy shtetas të Maqedonisë së Veriut.
Sipas raportit të policisë, si pasojë e përleshjes një person ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).
Me vendim të prokurorit, i dyshuari kosovar është arrestuar dhe pas intervistimit është dërguar në mbajtje, ndërsa dy të dyshuarit tjerë janë liruar në procedurë të rregullt.
“Raportohet se tre të dyshuar meshkuj, një kosovar dhe dy shtetas të Maqedonisë së Veriut, janë përleshur fizikisht në mes vete. Si pasojë, njeri prej tyre pëson lëndime trupore dhe dërgohet për tretman mjekësor në QKUK. Lidhur me rastin me vendim të prokurorit i dyshuari mashkull kosovar, është arrestuar dhe pas intervistimit dërgohet në mbajtje, ndërsa dy të tjerët lirohen në procedurë të rregullt”, thuhet në raportin 24-orësh të Policisë./IndeksOnline/
