Aktorja dhe këngëtarja Selena Gomez festoi ditëlindjen e saj të 33-të dhe me këtë rast, ajo postoi një mesazh të rëndësishëm në Instagram.
Fansat u habitën nga një detaj i pazakontë në tortën e saj të ditëlindjes që i la shumë njerëz të hutuar, transmeton Indeksonline.
Selena e shfrytëzoi ditëlindjen e saj, 22 korrik, për të rritur ndërgjegjësimin për Fondin e Ndikimit të Rare, një organizatë që ajo e themeloi me qëllim përmirësimin e aksesit në shërbimet e shëndetit mendor për të rinjtë.
“Pesë vjet më parë, në ditëlindjen time, ne lançuam Fondin e Ndikimit të Rare me një qëllim të thjeshtë: të ndihmojmë të rinjtë në mbarë botën të ndihen mirë dhe të mbështetur. Shëndeti mendor ka qenë gjithmonë personalisht i rëndësishëm për mua dhe doja të krijoja diçka që do të bënte një ndryshim të qëndrueshëm“, shkroi Selena.
Ajo u mburr se fondi, falë donacioneve, deri më tani ka ndihmuar më shumë se dy milionë të rinj dhe ka mbështetur 30 organizata në të gjithë botën.
“Dhe ky është vetëm fillimi”, tha ajo, duke i nxitur ndjekësit të bashkohen me iniciativën. “Faleminderit që jeni këtu, për njëri-tjetrin dhe për brezin e ardhshëm. Kjo është ajo që do të thotë të kesh një ndikim të rrallë”./Indeksonline/
