Një ngjarje e rëndë ka ndodhur në orët e pasdites në Skenderaj.
Një punëtor i ndërtimtarisë dyshohet se ka vdekur në vendin e punës në qytetin e Skenderajt.
Vdekjen e këtij punëtori e ka konfirmuar pronari i kompanisë Rroni-t Group, Armend Tahiri.
Ai ka treguar se punëtori ka vdekur pasi ka pasur sulm kardiak gjatë kohës sa ishte duke punuar brenda objektit banesor.
“Fatkeqësisht një punëtor ka vdekur brenda objektit banesor, pasi ka pasur sulm kardiak gjatë kohës sa punonte. Ai pra as nuk është rrëzuar nga skelet dhe as nuk ishte duke punuar jashtë objektit”, ka thënë ai.
IndeksOnline është në pritje të një përgjigje nga policia në lidhje me rastin në fjalë.
- Advertisement -
