Kryetari AAK-së, Ramush Haradinaj ka thënë se vendimi i 22 korrikut 2010 nga GJND-ja është një nga ngjarjet më të rëndësishme në historinë e shtetformimit dhe shtetndërtimit të Kosovë
Ai në Facebook thekson se 15 vjet më parë, Gjykata Ndërkombëtare e Drejtësisë legjitimoi përpjekjet tona historike, të drejtën tonë për shtet.
“Ai vulosi drejtësinë ndërkombëtare mbi idealin tonë të lirisë, të jetësuar më 17 shkurt 2008. Rruga deri këtu ka qenë e gjatë, e vështirë dhe e mbushur me sakrifica ndër breza. Por Kosova ka qëndruar falë përkushtimit të popullit të saj për liri, drejtësi dhe demokraci”.
“Rreshtimi kah vlerat perëndimore dhe orientimi ynë euroatlantik duhet të jetë synim yni i pakompromis. Partneriteti me Shtetet e Bashkuara të Amerikës dhe BE-në, është rruga e vetme për realizimin e synimeve tona si shtet”, shkruan Haradinaj./Indeksonline/
