Tre zjarrfikës janë asfiksuar nga tymi gjatë operacionit për shuarjen e zjarrit në malin e Dukatit në Vlorë të Shqipërisë, i cili vijon prej tre ditësh pa u vënë ende nën kontroll. Ata janë transportuar me urgjencë në spital dhe ndodhen jashtë rrezikut për jetën, raportojnë mediat në Tiranë.
Zjarri ka përfshirë një sipërfaqe të madhe pyjore dhe vijon të përhapet për shkak të terrenit të vështirë dhe erës së fortë.
Në terren ndodhen forcat zjarrfikëse dhe të ushtrisë, ndërsa autoritetet po ndjekin nga afër situatën dhe bëjnë thirrje për kujdes në zonat e prekura.
- Advertisement -
