Drita është skuadra e parë kosovare që ka arritur raundin e dytë kualifikues në Ligën e Kampionëve.
Ata arritën të eliminojnë kampionin e Luksemburgut, Differdange me rezultat të përgjithshëm 4-2.
Mirëpo kampionët e Kosovës, i pret një duel i vështirë ai ndaj gjigantit danez, Copenhagen të cilët do të udhëtojnë për ndeshjen e parë drejt Danimarkës.
Dhe klubi danez doli edhe me një njoftim për “Intelektualët”, që do të udhëtojnë për të parë atë ndeshje.
“Tifozë mysafirë
Tani kemi hapur edhe shitjen e biletave për sektorin D1 të tifozëve mysafirë, i cili do të hapet në orën 17:00.
FC Drita nuk pritet të ketë shumë tifozë që do të udhëtojnë nga Kosova, por ne presim një interesim të madh nga tifozët që ndodhen në Danimarkë dhe Suedi.
Tifozët mysafirë mund të gjejnë më shumë informacion në udhëzuesin tonë të zakonshëm për vizitorët evropianë”, thuhet në postimin e Copenhagenit.
Kujtojmë se kjo ndeshje do të zhvillohet të martën, në orën 19:00 në stadiumin “Parken”./IndeksOnline/
