Fluksi i makinave që shoqëroi pikëkalimet kufitare gjatë ditës, tani nuk është më.
Bashkatdhetarët tanë tani nuk do të presin shumë për të hyrë në vendlindjen e tyre, varësisht nga pika kufitare të cilën po frekuentojnë, shkruan IndeksOnline.
Teksa më herët pati pritje deri në 1 orë, sidomos te Dheu i Bardhë, tani pritja më e gjatë është 15 deri në 20 minuta, në pikëkalimin kufitar në Jarinje.
5 deri në 10 minuta është pritja në Merdarë, ndërkaq në pikëkalimet e tjera kufitare, pritja më e gjatë është pesë minuta.
Fatmirësisht, kolona nuk ka fare.
Përditësimi i fundit është bërë në ora 23:16, nga Qendra Kombëtare për Menaxhim Kufitar./IndeksOnline/
- Advertisement -
