Deputetët janë mbledhur sot për të 48-tën herë me radhë, në përpjekje për konstituimin e kuvendit.
Avokati Arianit Koci e ka quajtur absurde këtë që po ndodh. Ndërsa ka thënë se ka aplikuar në librin e Rekordeve Guinness, pasi që një gjë e tillë, nuk ka ndodhur askund në botë.
Postimi i plotë:
Aplikova në Librin e Rekordeve Guinness.
Si qytetar i Kosovës – e paraqita rastin absurd që po ndodh në vendin tim:
48 herë rresht ka dështuar konstituimi i Kuvendit të Republikës së Kosovës.
Po, dyzet e tetë tentime – dhe ende pa Kuvend funksional.
Turp, turp, turp!
Sipas meje, kjo nuk ka ndodhur askund në botë – as në vendet me krizë të thellë institucionale. Madje, as në shtetet me përçarje etnike, sektare apo politike.
Vetëm te ne – në një shtet që vetëquhet demokratik.
Ky veprim është në vazhdën e protestës sime qytetare, që kam nisur para Kuvendit.
Bllokimi i institucioneve tani është çështje e rendit demokratik, e të drejtave të qytetarëve dhe e funksionimit të shtetit.
Nëse Guinness e pranon, të paktën ta dimë që jemi “të parët në botë” për diçka – për një rekord turpi!
P.S.
Të hënën do ta vazhdoj protestën para Kuvendit.
Natyrisht, do të jetë protestë interesante.
