Klubi i basketbollit Bashkimi është përforcuar me qendrën De’Quon Lake.
Prizenasit besojnë se përvoja ndërkombëtare e basketbollistit të gjatë 208 centimetra do t’i ndihmojë ata në sezonin 2025/26, shkruan “Gazeta Express”.
Më poshtë mund ta lexoni njoftimin e klubit Portokalli në faqen zyrtare në rrjetet sociale.
“Zyrtare: De’Quon Lake te KB Bashkimi! Me shumë kënaqësi prezantojmë qendrën De’Quon Lake (208 cm) si përforcimin më të ri për sezonin 2025/26! Lake ka përvojë të pasur ndërkombëtare. Karrierën e nisi në Hungari me Falco Szombathely, ku fitoi Kupën dhe Kampionatin, duke u aktivizuar edhe në Basketball Champions League. Më pas ka luajtur për Tsmoki-Minsk, Oklahoma City Blue (G-League), Humacao, Czarni Slupsk, SZTE Szeged dhe së fundmi Atomeromu Paks. Në sezonin e fundit 2024/25 me Paks, shënoi mesatarisht 9.2 pikë dhe 7.1 kërcime për ndeshje, me 69.1% saktësi në gjuajtje. Ai sjell fuqinë fizike, eksperiencën dhe prezencën e fortë në zonën e trapezit, armë të vlefshme për sfidat që na presin! Mirë se erdhe në Prizren, De’Quon!”, njofton klubi kosovar. /Gazeta Express
