Britney dhe postimet e saj të çuditshme në Instagram janë rikthyer sërish! Ish-ikona e pop-it pretendoi në një postim të ri se “ka birësuar një vajzë të bukur” me emrin Lennon.
Gjatë fundjavës, 43-vjeçarja, publikoi një ndër videot tipike ku kërcen në shtëpinë e saj dhe në mbishkrim u shpreh se kishte birësuar një vajzë. Në sfond shfaqet edhe një krevat i vogël për bebe.
“Si jeni ju njerëz të bukur këtë mëngjes? Më duhet kafe dhe dua t’ju tregoj që kam birësuar një vajzë të bukur! Quhet Lennon London Spears!”.
Këngëtarja, e cila ka dy djem, Sean Federline, 19 vjeç dhe Jayden Federline, 18 vjeç, me ish-bashkëshortin e saj Kevin Federline — shtoi se Lennon kishte veshur një fustan të këndshëm, ku shkruhej: “Jam e re këtu”.
Ajo e përfundoi postimin duke thënë:
“Ndaj, ju lutem ndaloni së foluri keq”, duke njoftuar gjithashtu se do të shpërngulej në Itali.
Megjithatë, burime për TMZ thanë të se Britney nuk ka birësuar as fëmijë, as qen dhe prova për këtë është përdorimi i saj i emoji-t me shkelje syri. Pra, pretendohet se këngëtarja thjesht ka ngacmuar pak publikun.
Sa i përket mbajtëses për foshnja që fansat panë në sfondin e videos, burimet sqaruan se këngëtarja e përdor për të mbajtur kukullat e saj.
Po ashtu, sipas personit anonim, ajo nuk ka në plan të shpërngulet në Itali.
