Koreja e Veriut thotë se është e gatshme të ndërmarrë veprime ushtarake për t’iu kundërvënë çdo kërcënimi sigurie kundër saj, pasi SHBA-të, Koreja e Jugut dhe Japonia morën pjesë në stërvitje të përbashkëta ajrore pranë Gadishullit Korean.
Paralajmërimi vjen një ditë pasi Sergei Lavrov, ministri i jashtëm i Rusisë, vizitoi Korenë e Veriut dhe u takua me udhëheqësin Kim Jong Un.
Atje, Lavrov paralajmëroi SHBA-në, Korenë e Jugut dhe Japoninë kundër formimit të një partneriteti sigurie që synon Korenë e Veriut.
Të tre vendet kanë zgjeruar stërvitjet e tyre ushtarake trepalëshe në përgjigje të programit bërthamor në përparim të Phenianit, duke mbajtur një stërvitje të përbashkët ajrore të premten ku morën pjesë bombardues amerikanë me kapacitet bërthamor pranë Gadishullit Korean.
