Ligjvënësit argjentinas miratuan të enjten një mocion për të rritur pensionet, të cilin qeveria e Presidentit libertarian Javier Milei e kishte kritikuar ashpër për shkak të shqetësimeve se kjo do të kërcënonte suficitin fiskal të shtetit, ka raportuar Reuters, transmeton Gazeta Express.
Senati i kontrolluar nga opozita mbështeti reformën e pensioneve, me 52 vota pro dhe katër abstenime. Dhoma e ulët e kongresit e kishte miratuar tashmë projektligjin.
Milei është zotuar të vërë veton ndaj një rritjeje të pensioneve dhe e bëri këtë tashmë në një veprim të ngjashëm vitin e kaluar. Që kur mori detyrën, ai ka ulur shpenzimet publike në një përpjekje për të kontrolluar inflacionin, megjithëse masat shtrënguese kanë goditur edhe punëtorët.
- Advertisement -