Drilon Islami largohet nga FC Prishtina pas dy vitesh si kapiten, duke u transferuar si lojtar i lirë te CFR Cluj në Rumani.
Mesfushori nga Kaçaniku ka bërë hap të madh në karrierë duke iu bashkuar gjigantit rumun Cluj, e ku atë do të jetë bashkëlojtarë me bashkëkombësit e tij si Meriton Korenica e Lindon Emërllahu.
Në një postim emocional, Islami shpreh mirënjohjen për klubin dhe tifozët e Prishtinës.
Postimi i plotë nga Islami:
Përshëndetje për të gjithë!
Dua t’ju njoftoj se nga sezoni i ardhshëm nuk do të jem më pjesë e klubit FC Prishtina.
Kam pasur nderin dhe kënaqësinë të vesh fanellën bardhë e kaltër të klubit më të madh shqiptar, me të cilin fituam Kupën e Kosovës – ku pata privilegjin të jem kapiten i FC Prishtinës.
Kanë qenë dy vite të mrekullueshme për mua. Dua t’i falënderoj nga zemra të gjithë, duke filluar nga presidenti i klubit, drejtori sportiv, stafi i trajnerëve, stafi mjekësor, ekonomët, bashkëlojtarët, si dhe tifozerinë më të zjarrtë “Plisat”.
Përgjithmonë do të mbetem mirënjohës ndaj FC Prishtinës.
Ju dëshiroj shumë suksese në garat evropiane dhe në sezonin e ri. Uroj t’i arrini të gjitha objektivat e klubit.
Sinqerisht,
Drilon Islami. /Telegrafi/
