Liverpooli e ka në listën e dëshirave sulmuesin portugez Gonçalo Ramos si një përforcim të mundshëm për repartin ofensivë në sezonin e ardhshëm.
Sipas Anfield Watch, drejtuesit e klubit nga Anfield kanë nisur të analizojnë shifrat dhe mundësinë për një marrëveshje me PSG-në.
Shuma që po diskutohet është rreth 55 milionë funte, një investim që Liverpooli është i gatshëm ta bëjë nëse gjithçka ecën sipas planit.
Ramos, 23 vjeç, iu bashkua PSG-së nga Benfica dhe ka treguar potencial, ndonëse ende nuk është konsoliduar si titullar i padiskutueshëm në Francë.
Cilësia, instinkti për gol dhe mosha e re e bëjnë atë një profil tërheqës për klubin anglez, i cili po kërkon një zëvendësues për Darwin Nunez, me uruguaianin që do të largohet në verë.
Drejtuesit e Liverpoolit besojnë se Ramos i përshtatet vizionit të ri të skuadrës nën drejtimin e trajnerit Arne Slot dhe mund të sjellë freski në repartin ofensivë.
Nëse bisedimet avancojnë, Gonçalo Ramos mund të shndërrohet në një nga blerjet më të bujshme të afatit kalimtar veror në Angli. /Telegrafi/
