Ndoshta do të thoshit menjëherë “e verdha”, sepse kjo ngjyrë shpesh lidhet me lumturinë
Nëse shkruani “happy face” në Google, ka shumë të ngjarë të mbusheni me fytyra të verdha që buzëqeshin. Rezulton se shkenca mbështet gjithashtu idenë se ngjyra e verdhë nxit ndjenjat e lumturisë.
Megjithatë, një studim i botuar në Journal of Environmental Psychology tregoi se reagimi emocional ndaj një ngjyre varet nga faktorë të ndryshëm, duke përfshirë mjedisin fizik dhe afërsinë me ekuatorin.
Për shembull, sipas autorëve të studimit: “Pjesëmarrësit që jetojnë më larg ekuatorit dhe në vende me shira e lidhin më shpesh ngjyrën e verdhë me gëzimin”.
Shtimi më shumë i kësaj ngjyre në shtëpinë tuaj mund të kontribuojë në një ndjenjë lumturie, transmeton Telegrafi.
“Mundësia që e verdha të lidhet me gëzim ndryshonte midis 55 vendeve në studimin tonë – nga vetëm 5.7% në Egjipt deri në 87.7% në Finlandë”.
Rezultatet mbështesin idenë se mjedisi fizik luan një rol në formësimin e kuptimit emocional të ngjyrave”, thanë shkencëtarët.
Pra, vendet që nuk mund të gjejnë kënaqësi nëpërmjet dritës së diellit dhe motit të ngrohtë, ndoshta mund të zhvillojnë një ndjenjë lumturie duke sjellë më shumë ngjyrë të verdhë në jetën e tyre.
“Kur shihni një ngjyrë të caktuar, ajo dërgon sinjale në hipotalamus, të cilat mund të ndikojnë në humorin tuaj duke stimuluar çlirimin e hormoneve të caktuara. Disa ngjyra madje shoqërohen me ndryshime fiziologjike, siç është rritja e presionit të gjakut dhe metabolizmi i përshpejtuar”, tha dr. Tanja Eliot, interniste dhe influencuese shëndetësore për The Post.
“E verdha dhe portokallia shoqërohen me lumturinë,” shtoi ajo.
Mund ta rrethoni veten me të verdhë në mënyra të ndryshme – duke dekoruar brendësinë me detaje të verdha ose duke veshur rroba të verdha. Këto taktika të thjeshta mund t’ju ndihmojnë të ndiheni më të kënaqur, edhe nëse nuk e kuptoni. Ashtu si një ditë gri dhe e zymtë mund t’ju vërë në një humor të keq, ashtu edhe një mjedis i ndritshëm dhe i verdhë mund t’ju nxjerrë nga ai.
Shikoni brendësitë në nuanca të verdha që menjëherë e ngrenë humorin. /Telegrafi/
