Mbërrin në Kosovë ministrja e shtetit e Çadit, pjesëmarrëse në Forumin Presidencial

Ministrja e shtetit dhe për Gratë e Fëmijërinë e Hershme e Çadit, Amina Priscille Longoh, ka mbërritur në Kosovë.

Edhe ajo, sikurse kolegët e saj paraprakë, ka ardhur për pjesëmarrje në Forumin Ndërkombëtar për Gratë, Paqen dhe Sigurinë, i cili organizohet nën udhëheqjen e Presidentes Osmani

Prishtina gjatë dy ditëve të ardhshme do të  jetë nikoqire e edicionit të tretë të kësaj ngjarje. Në këtë forum pritet të marrin pjesë mbi 30 panele diskutimi, me mbi 150 folës nga më shumë se 45 shtete.