Presidenti amerikan Donald Trump ka ndarë një teori konspirative për ish-presidentin dhe rivalin politik Joe Biden në profilin e tij zyrtar të Truth Social.
Mbrëmë vonë, presidenti 78-vjeçar postoi përmbajtje nga një profil pro-Trump ku shkruhej: “Joe Biden është zhdukur – ekzekutuar në 2020”.
Në vazhdim të postimit, pretendohet se Biden është zëvendësuar nga “një klon të ndërtuar në mënyrë robotike” dhe se “demokratët nuk e vënë re ndryshimin”.
Newsweek kontaktoi Shtëpinë e Bardhë për të zbuluar pse presidenti e lëshoi këtë teori.
Por, nuk ka asnjë provë për të mbështetur këtë pretendim, përcjell Telegrafi.
Biden ka bërë disa paraqitje publike, ka marrë pjesë në konferenca të paplanifikuara për shtyp dhe ka komunikuar drejtpërdrejt me liderët botërorë, gjë që do të ishte e pamundur të falsifikohej bindshëm me teknologjinë e sotme.
Për më tepër, një komplot kaq i madh do të kërkonte pjesëmarrjen e mijëra njerëzve nga qarqe të ndryshme politike, duke përfshirë republikanë, gazetarë dhe zyrtarë të huaj, gjë që është jashtëzakonisht e pamundur.
Bëhet e ditur se Trump e ndau postimin menjëherë pasi u njoftua se ish-presidenti Biden ishte diagnostikuar me një formë agresive të kancerit të prostatës.
Diagnoza ka ngritur pikëpyetje se pse sëmundja nuk u zbulua më herët, si dhe teoritë se gjendja e tij shëndetësore u mbulua gjatë presidencës së tij, e cila është lidhur me rënien e supozuar të tij njohëse dhe performancën e dobët në debatin e qershorit me Trumpin. /Telegrafi/
