Reperi Gjesti ka përjetuar një moment të sikletshëm në shtëpinë e “Big Brother VIP Albania”, kur u përball me një pyetje provokuese nga banorët e tjerë.
Në mes të një bisede, Danja e surprizoi duke i drejtuar një pyetje të papritur: si do të ndihej nëse ish-e dashura e tij, Xheneta, do të bëhej pjesë e shtëpisë si lojtare?
Gjesti, i befasuar, reagoi me një të qeshur ironike, por pa dhënë një përgjigje të qartë. Ai tentoi ta shmangte diskutimin, duke lënë të kuptohet se nuk dëshironte të hynte në detaje mbi këtë temë.
Ky moment ka ngjallur shumë komente nga ndjekësit e “BBVA”së, të cilët tashmë po spekullojnë për dinamiken që mund të krijohej nëse Xheneta do të bëhej pjesë e formatit. Një përballje mes tyre do të ishte padyshim një nga ngjarjet më të diskutuar në spektakël.
