Komisioni Qendror i Zgjedhjeve ka nxjerr rezultatet preliminare të zgjedhjeve parlamentare të 09 shkurtit 2025. Sipas KQZ-së, në kryeqytetin e Kosovës në Prishtinë Lëvizja Vetëvendosje prin me 46.80 për qind në rezultatet preliminare.
Krahasuar me rezultatet përfundimtare në zgjedhjet parlamentare të vitit 2021 Lëvizja Vetëvendosje ka arritur ti ketë 65.13 për qind të votave.
Partia Demokratike e Kosovës në rezultatet preliminare në kryeqytet ka arritur ti marr 18.43 për qind, ndërsa në rezultatet përfundimtare në zgjedhjet parlamentare të vitit 2021 kishte arritur t’i marr 11.74 për qind.
Lidhja Demokratike e Kosovës në rezultatet preliminare në kryeqytet ka arritur ti marr 25.54 për qind të votave, derisa në rezultatet përfundimtare në zgjedhjet parlamentare të vitit 2021 kishte arritur t’i marr 16. 27 për qind.
Aleanca për Ardhmërinë e Kosovës sipas rezultateve preliminare ka arritur ti marr 3.31 për qind derisa në zgjedhjet parlamentare të vitit 2021 kishte arritur t’i marr 3.50 për qind.
Rezultatet preliminare të publikuara sot nga KQZ-ja, nuk përfshijnë votat me kusht, votat e personave me nevoja të veçanta si dhe votat jashtë Kosovës.
