Kandidati për deputet nga radhët e Partisë Demokratike të Kosovës (PDK), Faton Abdullahu, ka shprehur mbështetjen e tij për kandidaturën e Bedri Hamzës si kryeministër i ardhshëm të Kosovës, duke theksuar tri arsye kryesore që, sipas tij, e bëjnë të besueshme realizimin e premtimeve të Hamzës.
“Janë tri arsye pse janë të besueshme premtimet e Bedri Hamzës. Kushdo tjetër që sot do t’i bënte këto premtime, ato do të viheshin në dyshim. Pse? Sepse:
Ai i ka realizuar premtimet e ngjashme edhe më parë.
Ai është ekspert prapa të cilit qëndrojnë kalkulimet financiare të bazuara në përvoja të shumta.
Prapa tij qëndron një parti e madhe, përkatësisht parti në rritje”, ka shkruar Abdullahu në një postim në rrjetet sociale.
