Me 24 mars Kombëtarja e Kosovës në futboll rikthehet në aksion, me një ndeshje miqësore e cila luhet në stadiumin “Fadil Vokrri” në kryeqytet.
Dardanët do të ndeshen me Burkina Fason, sfidë kjo që i paraprinë miqësores tjetër që luhet me 29 mars, në të cilën kombëtarja do të udhëtojë në Zvicër.
Biletat në treg do të dalin diten e hënë, ndërsa çmimi i tyre nuk do të ndryshojë shumë nga ato që ishin në të kaluarën: 15, 10 dhe 5 euro.
Me masat e reja të aplikuara nga Qeveria në stadium lejohen tifozët me kapacitet të plotë, gjë që i ka munguar ‘Dardanëve’ tash e dy vite.