Dy DJ-të kosovarë, Pajtim Krasniqi (PM) dhe Arbër Gumnishta (Dagz) për disa muaj me radhë kanë qenë në krye të mediave rozë dhe në rrjete sociale, pasi që ishin pjesë e reality-shoë “Big Brother Albania VIP”, teksa lidhjet e tyre brenda shtëpisë ishin ndër më të përfolurat.
Së fundmi, dyshja ishin të ftuar në emisionin “Why Not” ku treguan më shumë për lidhjet që krijuan brenda shtëpisë së famshme. Ndërsa, ata treguan momentin e prezantimit të Einxhelit dhe Sarës me familjet e tyre.
Moderatorja, Roza Lati e pyeti DJ PM-in: Sa presion ke ngrënë ti PM nga fisi jot se kur do ta bësh dasmën?
“Kam ngrënë presion me kilogram. Sidomos familja e ngushtë, mami im u takua me Sarën, po jo në kontekstin që Sarah është nusja e djalit. U takua në kontekstin që Sarah është një prej banoreve që nëna ime e ka pëlqyer shumë dhe u takua si fanse e Sarës. E ka parë me atë sy, jo me syrin kjo është nusja e djalit tim”, u përgjigj PM.
Teksa, moderatorja pyeti: Po Dagz me Einxhel?
Dagz: E vetmja luftë që u dorëzua.
PM: E vetmja luftë që Einxhel u dorëzua është njohja me Dagz (qesh).
Dagz: Po prapë ishte një luftë që edhe pse u dorëzua, fitoi. Fisi im besoj e duan dhe e presin, por nuk më bëjnë presion.
