Pfizer ka dorëzuar të dhëna klinike në ‘Health Canada’ në lidhje me një mjekim oral që shpreson se mund të përdoret për të trajtuar rastet e lehta deri në mesatare të COVID-19 tek të rriturit.
Pilula e saj antivirale quhet PAXLOVID dhe synohet t’u jepet të rriturve të moshës 18 vjeç e lart, të cilët kanë një rast të konfirmuar të COVID-19 dhe janë në rrezik të shtuar për të zhvilluar sëmundje të rënda, shkruan CTV.
Prodhuesi i ilaçeve tha në një njoftim për shtyp se pilula është krijuar për të bllokuar aktivitetin e një enzime në SARS-CoV-2 që është thelbësore që virusi të riprodhohet, dhe gjithashtu të ndihmojë në ngadalësimin e zbërthimit të përbërësve të pilulës në mënyrë që të ndihmojnë në luftimin e virusit për një kohë më të gjatë.
Një pjesë e pilulës përdor ritonavir, një ilaç ekzistues që është përdorur më parë në kombinim me medikamente të tjera antivirale.
- Advertisement -
